Istorgias, che nagin na vuless passentar sez:

Regurdientschas digitalas

Dapi la naschientscha da lur feglia Sophie registreschan Aline e Christoph tut ses pass da svilup sin la digicam. In pèr onns pli tard sa derasa dentant in virus sin il computer da Christoph e stizza definitivamain tut las datotecas da maletgs e da film. Christoph vegn nar, perquai ch'el n'ha gia daditg betg pli fatg in update da segirezza. Ultra da quai n'ha el gia daditg betg pli arcunà las datotecas da ses computer sin in disc cumpact. Cur ch'el ed Aline vulan prender nanavant ils discs cumpacts vegls, vesan els cun sgarschur che quels n'èn betg pli duvrabels, perquai che Sophie als ha gia duvrads per giugar. Tut las fotografias e tut ils films da la pitschna Sophie èn pers.

[Tut il comic en survista]

TIP: Proteger il computer

Protegia tes computer ed uschia er tut tes documents e tut tias regurdientschas impurtantas: installescha in program d'antivirus ed ina firewall ed actualisescha regularmain quests programs. Fa stim sch'i dat updates da segirezza per il sistem operativ e per la software, ed exequescha adina puspè quests updates. Fa copias da segirezza da tut las datas ch'èn impurtantas per tai, p.ex. sin in disc cumpact u sin in disc dir extern. Tegna en salv questas copias en in lieu segir.

Ulteriuras infurmaziuns

Centrala d'annunzia e d'analisa per la segirezza da l'infurmaziun (MELANI) - Verhaltensregeln
Centrala d'annunzia e d'analisa per la segirezza da l'infurmaziun (MELANI) - Demonstrationen und Lernprogramme
Swiss Security Day 5 pass a la segirezza da Voss computer
Incumbensà federal per la protecziun da datas e per la transparenza (IFPDT) - Praktische Hinweise
Uffizi federal per la segirezza en la tecnica d'infurmaziun (Germania) - Datensicherung